Qırğızıstan və Pakistanın XİN-ləri ikitərəfli əməkdaşlığı müzakirə ediblər

Qırğızıstanın xarici işlər naziri Jeenbek Kulubayev Çolpon-Atada Pakistanın Baş nazirinin müavini və xarici işlər naziri Məhəmməd İshaq Dar ilə ikitərəfli görüş keçirib.

Operativ Media xəbər verir ki, bu barədə Qırğızıstan Xarici İşlər Nazirliyi məlumat yayıb.

Danışıqlar zamanı tərəflər ikitərəfli əməkdaşlığın inkişafındakı müsbət dinamikadan, ticarət, iqtisadiyyat, investisiya, nəqliyyat və logistika, bank və maliyyə, mədəni və humanitar sahələrdə qarşılıqlı əlaqələrin daha da genişləndirilməsi, eləcə də regional layihələrin inkişafı məsələlərini müzakirə etdilər.