"ChatGPT"-nin işində fasilələr yaranıb

Bir sıra ölkələrdə istifadəçilər "OpenAI" tərəfindən hazırlanmış "ChatGPT" çat-botu ilə bağlı problem yaşayıblar.

Operativ Media xəbər verir ki, bu barədə "Downdetector" xidməti məlumat yayıb.

Böyük Britaniyada təxminən 2700 nəfər problemlərlə bağlı məlumat verib. İstifadəçilərin 89%-i veb-saytın işində fasilələr olduğunu, 9%-i tətbiqlə bağlı problemləri, digər 8%-i isə birbaşa botla əlaqədar çətinlikləri qeyd edib.

"Downdetector"a əsasən, ABŞ (2200), İtaliya (2200), Fransa (1400) və digər ölkələrdə də çatbotla bağlı nasazlıqlar qeydə alınıb.