Abbas Əraqçı: "İran qonşu ölkələri özünə düşmən hesab etmir"

İranın xarici işlər naziri Abbas Əraqçı ölkəsinin Yaxın Şərqdəki qonşu dövlətləri düşmən hesab etmədiyini, atılan addımların yalnız ABŞ-yə yönəldiyini bəyan edib.

​Operativ Media xəbər verir ki, "İran" qəzetinə müsahibə verən nazir regional səviyyədə ortaq anlaşmanın olduğunu diqqətə çatdırıb. Onun sözlərinə görə, Tehranın həyata keçirdiyi tədbirlər region ölkələrinə düşmənçilikdən irəli gəlmir və bunun bütün tərəflərə bəlli olan başqa səbəbləri var.

​İslam Respublikasının xarici siyasət idarəsinin rəhbəri əlavə edib ki, hərbi münaqişə başa çatdıqdan sonra İran qonşuları ilə dialoqu bərpa etmək və qarşılıqlı etimadı yenidən formalaşdırmaq niyyətindədir.