İran Ukraynanın Xəzərdəki hücumuna görə sərt bəyanat verdi
İran parlamentinin Milli təhlükəsizlik komitəsinin rəhbəri İbrahim Əzizi Kiyevin Xəzər dənizindəki ticarət gəmisinə hücumunun cavabsız qalmayacağını bəyan edib.
Operativ Media xəbər verir ki, bu barədə parlament komitəsinin sədri "X" sosial şəbəkəsindəki səhifəsində paylaşım edib.
O, Tehranın ölkəyə qarşı edilən istənilən hücuma cavab verdiyini xatırladaraq, ABŞ və İsrailin bunu yaxşı bildiyini, Ukraynanın da tezliklə oxşar nəticə ilə qarşılaşacağını qeyd edib.
İyulun 25-də İran Xarici İşlər Nazirliyi Ukraynanın Xəzər dənizindəki ticarət gəmisinə zərbə endirdiyini və bu hadisə nəticəsində bir heyət üzvünün həlak olduğunu bəyan edib.
İranın xarici işlər naziri Abbas İraqçı isə bildirib ki, Kiyev bu hücumu İsrailin təlimatı ilə həyata keçirib və əsas məqsəd Avropanı Yaxın Şərqdəki münaqişəyə sürükləməkdir.
