İspaniyada 2026-cı ildə bürkü və isti hava şəraiti nəticəsində 3 800-dən çox insan həyatını itirib. 

Operativ Media xəbər verir ki, bu barədə İspaniyanın Baş naziri Pedro Sançes Madriddə keçirilən tədbirdə bəyan edib.

"İspaniyada istilər nəticəsində həyatını itirənlərin sayının 3 800-dən çox olduğu təxmin edilir. İqlim böhranı isə ən ağır zərbəni həssas təbəqələrə vurur. Bunlara iqlim fövqəladə vəziyyətinin təsirlərinə qarşı müdafiə imkanları məhdud olan yaşlılar, uşaqlar, yüksək temperatur şəraitində çalışanlar və xroniki xəstəliklərdən əziyyət çəkən şəxslər daxildir", - deyə o, bildirib.