Fransanın cənub-qərbindəki Jironde departamentində baş verən genişmiqyaslı meşə yanğınları səbəbindən hakimiyyət orqanları ən azı 13 min müəssisəni təxliyə edib.

Operativ Media xəbər verir ki, bu barədə Fransa İqtisadiyyat və Maliyyə naziri Roland Lescure bildirib.

Nazirin sözlərinə görə, yanğınlardan zərər çəkən müəssisələrin əməkdaşları fəaliyyətin dayanması və qismən işsizliklə əlaqədar müavinət ala biləcəklər. Hakimiyyət bildirib ki, yanğınsöndürmə xidmətləri "ekoloji və sosial fəlakət" fonunda tam səfərbər edilib, baş verən hadisə isə artıq iqtisadi nəticələr doğuran ciddi böhrana çevrilib.