Myanma parlamenti onlayn dələduzluq mərkəzlərində məcburi əməkdən tətbiq edən cinayətkarlar üçün edam cəzasına qədər sanksiyalar nəzərdə tutan qanun layihəsini təsdiqləyib.

Operativ Media xəbər verir ki, bu barədə "Agence France-Presse" məlumat yayıb.

Parlamentin yuxarı palatasının sədri Aun Lin Dve aşağı palata ilə aparılan məsləhətləşmələrdən sonra müvafiq qanun dəyişikliklərinin qəbul edildiyini elan edib.

Qanun layihəsində "onlayn dələduzluqla bağlı əməlləri törətməyə məcbur etmək məqsədilə zorakılıq, işgəncə, qanunsuz azadlıqdan məhrumetmə və ya qəddarcasına rəftar" üçün 10 ildən ömürlük azadlıqdan məhrumetmə, həmçinin edam cəzası nəzərdə tutulurdu.