Gürcüstandan Azərbaycan vətəndaşları da daxil olmaqla 96 nəfər deportasiya edilib

Gürcüstanda son günlərdə görülən tədbirlər nəticəsində 96 xarici vətəndaş ölkədən deportasiya edilib.

Operativ Media xəbər verir ki, bu barədə Gürcüstan Daxili İşlər Nazirliyi məlumat yayıb.

Gürcüstan Miqrasiya Departamenti tərəfindən görülən kompleks tədbirlər nəticəsində Səudiyyə Ərəbistanı, Azərbaycan, Türkmənistan, Türkiyə, Çin, Rusiya, Hindistan, Misir, Sudan, İraq, Küveyt, Nigeriya, Belarus, Kuba, Fil Dişi Sahili, Madaqaskar, Albaniya, Özbəkistan, Livan, Mərakeş, İordaniya, Tayland və digər ölkələrin 96 vətəndaşı ölkədən çıxarılıb.

Mövcud qanunvericiliyə uyğun olaraq, deportasiya edilən şəxslərin ölkəyə girişi qadağan edilib.