Avropa İttifaqı Ukraynaya ilin sonunadək 8,3 milyard avro məbləğində əlavə maliyyə vəsaitinin ayrılması üçün Kiyev qarşısında ciddi tələblərdən ibarət şərtlər toplusunu təsdiq edib.

​Operativ Media xəbər verir ki, bu barədə Aİ Şurasının yaydığı bəyanatda bildirilib. Sənəddə qeyd olunur ki, qurum Ukrayna üçün Ukrayna Fondu çərçivəsində növbəti ödənişlərin həyata keçirilməsindən əvvəl icrası tələb olunan iddialı islahatlar yol xəritəsini bəyənib. Qəbul edilən qərar 2026-cı il üzrə nəzərdə tutulan əlavə maliyyə dəstəyini əhatə edir.

​Məlumata görə, Brüsselin Kiyev qarşısında qoyduğu əsas tələblər sırasına korrupsiyaya qarşı mübarizə və hüququn aliliyinin təmin edilməsi sahəsində yeni islahatların aparılması daxildir.