Qazaxıstan və Özbəkistan Qırğızıstanın Orta Asiya ölkələrinə səyahət etmək istəyən xarici vətəndaşlar üçün vahid turist vizasının tətbiqi təşəbbüsünü dəstəkləyiblər.

Operativ Media xəbər verir ki, bu barədə prezident Sadır Japarov Çolpon-Atada keçirilən Orta Asiya və Azərbaycan dövlət başçılarının qeyri-rəsmi məsləhətləşmə görüşündə bildirib.

Dövlət başçısı qeyd edib ki, regiondakı bütün ölkələrdən təşəbbüsə dəstək gözləyir.

Xatırladaq ki, 2025-ci ilin mart ayında Sadır Japarov Orta Asiya ölkələrinin öz aralarında vizasız rejim tətbiq etməsini və xarici turistlər üçün Şengen vizasına bənzər vahid viza yaratmasını təklif etmişdi.