Rusiyanın Ukraynanın paytaxtı Kiyevə etdiyi hücum nəticəsində Litvanın bu ölkədəki səfirliyinin binasına qismən ziyan dəyib.

Operativ Media xəbər verir ki, bu barədə Ukrayna xarici işlər naziri Andrey Sibiqa sosial şəbəkə hesabında məlumat yayıb.

Nazir bildirib ki, hücum zamanı səfirlik işçilərindən heç kim xəsarət almayıb:

"Rusiya heç bir beynəlxalq qanuna məhəl qoymur. Bunun qarşısını yalnız güclü hava hücumundan müdafiə silahları ilə almaq olar".

A.Sibiqa ən çətin günlərdə Ukraynanın yanında olduqları üçün Litvaya təşəkkür edib və səfirliyə hər cür kömək göstərməyə hazır olduqlarını vurğulayıb.