Qəzzada ötən ay İsrailin hücumları nəticəsində 152 nəfər həlak olub

Qəzza zolağında iyul ayı ərzində 152 fələstinlinin həlak olduğu bildirilir.

Operativ Media xəbər verir ki, bu barədə Qəzzanın Səhiyyə Nazirliyi məlumat yayıb.

Nazirlik bildirib ki, bu, ilin əvvəlindən bəri bir ay ərzində qeydə alınan ən yüksək ölüm göstəricisidir.

Məlumata əsasən, həlak olanlar arasında 21 uşaq, 14 qadın və dörd yaşlı şəxs də var.