İsrail ordusu Livanın cənubunda keçirilən əməliyyat zamanı Hizbullahın bir neçə üzvünün öldürüldüyünü iddia edib.

Operativ Media xəbər verir ki, bu barədə İsrail ordusu məlumat yayıb.

Məlumata görə, əməliyyat Nəbatiyyə şəhəri yaxınlığında, YUNESKO-nun Ümumdünya İrsi Siyahısına daxil edilmiş Bofor qalasının yerləşdiyi Əli Tahir silsiləsində həyata keçirilib.

"Əməliyyat zamanı bir İsrail zabiti orta dərəcəli xəsarət alıb. Yaralı zabit tibbi yardım göstərilməsi üçün xəstəxanaya təxliyə edilib və onun ailəsinə məlumat verilib", - məlumatda qeyd olunub.