Türkiyədən Rusiyaya meyvə və tərəvəz daşıyan "NADHEZNA" adlı Ro-Ro tipli yük gəmisi Qara dənizdə dron hücumuna məruz qalıb.

Operativ Media xəbər verir ki, hücum nəticəsində gəmidə yanğın baş verib, ekipajın dörd üzvü yaralanıb.

Yaralananlardan üçünün Türkiyə vətəndaşı olduğu bildirilir.

Məlumata görə, gəmi Türkiyənin Samsun limanından Rusiyanın Novorossiysk şəhərinə hərəkət edirdi. Hücum  Novorossiyskdən 30 dəniz mili məsafədə baş verib.

Hadisə ilə bağlı rəsmi araşdırma aparılır.