Belqoroda PUA hücumu olub

Rusiyanın Belqorod şəhərinə gecə saatlarında pilotsuz uçuş aparatları ilə kütləvi hücum edilib.

Operativ Media xəbər verir ki, bu barədə Belqorod vilayətinin qubernator səlahiyyətlərini icra edən Aleksandr Şuvayev məlumat yayıb.

Onun sözlərinə görə, hücum nəticəsində 3 nəfər ölüb, 25 nəfər yaralanıb. Yaralılar arasında 4 və 9 yaşlı iki uşaq da var.

Hücum zamanı 30 çoxmənzilli yaşayış binasına, 3 sosial və 6 kommersiya obyektinə, həmçinin 30-dan çox avtomobilə ziyan dəydiyi bildirilib. Rusiya tərəfi hücumun Ukrayna PUA-ları ilə həyata keçirildiyini açıqlayıb.