Filippində daşqınlar və torpaq sürüşmələri nəticəsində 12 nəfər ölüb, 8 nəfər itkin düşüb

Filippində 9 bölgə və 33 əyalətdə cənub-qərb mussonu, "Kujira" və "Delfin" tropik siklonlarının birgə təsirləri nəticəsində baş verən daşqınlar və torpaq sürüşmələri nəticəsində 12 nəfər ölüb, 8 nəfər itkin düşüb.

Operativ Media xəbər verir ki, bu barədə "The Philippine Daily Inquirer" qəzeti məlumat yayıb.

Məlumata görə, mülki müdafiə idarəsinin köməkçi katibi Lorens Mina 11 nəfərin yaralandığını bildirib.

Qeyd edilib ki, 32.800-dən çox insan evindən didərgin düşüb.