Türkiyə Prezidenti Rəcəb Tayyib Ərdoğan Türkiyə, Səudiyyə Ərəbistanı və Pakistan arasında imzalanan Məkkə Birgə Müdafiə Sazişinin heç bir ölkəyə qarşı yönəlmədiyini bildirib.

Operativ Media xəbər verir ki, bu barədə Rəcəb Tayyib Ərdoğan “Asharq Al Awsat” qəzetinə açıqlamasında məlumat verib.

O, sazişin regionda sülh, sabitlik, həmrəylik və kollektiv çəkindirməyə əsaslanan strateji iradənin ifadəsi olduğunu qeyd edib.

“Regionun problemlərinin məhz onun iştirakçıları tərəfindən həll edilməli olduğu anlayışına əsaslanan Məkkə Birgə Müdafiə Sazişi hər hansı bir ölkəyə yönəlmiş blokun yaradılmasından ziyadə, sülh, sabitlik, həmrəylik və kollektiv çəkindirməyə əsaslanan strateji iradənin təzahürüdür”, - deyə o, bildirib.