Tümendən Bakıya uçuş həyata keçirən təyyarə texniki səbəbdən Ufada məcburi eniş edib.

Operativ Media xəbər verir ki, bu barədə Ural Nəqliyyat Prokurorluğu məlumat yayıb.

Bildirilib ki, təyyarə "UTair" aviaşirkətinə məxsusdur.

Qeyd olunub ki, 12 avqust saat 21:15 radələrində yerli vaxtla (Bakı vaxtı ilə 20:15) təyyarə "Ufa" beynəlxalq hava limanına enib.

Ekipaj texniki səbəbdən marşrutdan kənara çıxmaq qərarına gəlib.

Eniş normal rejimdə həyata keçirilib.