Antalyanın Kemer rayonunda meşəlik ərazidə baş verən yanğın nəzarət altına alınıb.

Operativ Media xəbər verir ki, bu barədə "TRT Haber" məlumat yayıb.

Bildirilib ki, yanğın Ulupınar məhəlləsində hələlik müəyyən edilməyən səbəbdən başlayıb.

Yanğının söndürülməsinə 4 arazöz (xüsusi yanğınsöndürən su maşını), 2 su təchizatı avtomobili, 2 ilk müdaxilə nəqliyyat vasitəsi, həmçinin 50 texniki heyət və yanğınsöndürən fəhlə cəlb olunub.

Görülən tədbirlər nəticəsində yanğın briqadaların gərgin səyləri ilə nəzarət altına alınıb.