Qazaxıstan və Türkiyə arasında aviasiya sazişi imzalanıb

Qazaxıstan və Türkiyə arasında həftəlik icazə verilən uçuşların sayı 120-dən 224-ə artırılacaq.

Operativ Media xəbər verir ki, bu barədə Qazaxıstan Nəqliyyat Nazirliyinin mətbuat xidməti məlumat yayıb. 

Razılaşma 13-14 avqust tarixlərində İstanbulda iki ölkənin aviasiya qurumları arasında keçirilən danışıqların nəticəsində əldə olunub.

Tərəflər avqustun 14-də mülki aviasiya sahəsində əməkdaşlığın gücləndirilməsi və iki ölkə arasında hava əlaqələrinin genişləndirilməsi məqsədilə yeni Anlaşma Memorandumu imzalayıblar.