Pakistanın Baş nazirinin müavini və Xarici İşlər naziri İshaq Dar və Türkiyənin Xarici İşlər naziri Hakan Fidan regional problemlərin həllində dialoq və diplomatiyanın əsas yol olduğunu bildiriblər.

Operativ Media xəbər verir ki, bu barədə "Al jazeera" məlumat yayıb.

Telefon danışığı zamanı nazirlər regiondakı son hadisələri müzakirə edib, qarşılıqlı maraq doğuran məsələlər barədə fikir mübadiləsi aparıblar.

Tərəflər həmçinin qarşılıqlı maraq doğuran sahələrdə Pakistan və Türkiyə arasında əməkdaşlığın gücləndirilməsinə sadiq olduqlarını təsdiqləyiblər.