Fransa meşə yanğınlarından sonra bərpa işlərinə 12 milyon avro ayıracaq

Fransa hökuməti ölkənin cənub-qərbində meşə yanğınlarından zərər çəkən Jironda və Land departamentlərində bərpa işləri üçün 12 milyon avro ayıracaq.

Operativ Media xəbər verir ki, bu barədə Baş nazir Sebastyen Lekornu elan edib. 

O, vəsaitin dərhal istifadəyə veriləcəyini və yerli icmalara bərpa işlərinə təxirəsalınmadan başlamağa imkan yaradacağını bildirib.

Onun sözlərinə görə, ayrılan vəsait yanğınların nəticələrinin aradan qaldırılması və bərpa planlarının həyata keçirilməsinə yönəldiləcək.