İsrail və ABŞ arasında Qəzza zolağının gələcəyi ilə bağlı müzakirələr davam edir.

Operativ Media xəbər verir ki, İsrailin Baş naziri Benyamin Netanyahu və Sülh Şurası Qəzza ilə bağlı iki işçi qrupunun yaradılması barədə razılığa gəlib.

İşçi qruplarından biri Qəzzanın tərksilahı və demilitarizasiyası məsələləri ilə məşğul olacaq.

İsrail və Sülh Şurası yenidənqurma işlərinə başlanılmasından əvvəl demilitarizasiya prosesinin başa çatdırılmasını vacib hesab edir.

İkinci qrup isə Qəzzada sanitariya, içməli su və digər ictimai səhiyyə problemlərinin həlli ilə məşğul olacaq.