İndoneziyada 5,6 bal gücündə zəlzələ baş verib

İndoneziyanın Sumatra adasında 5,6 bal gücündə zəlzələ qeydə alınıb.

Operativ Media xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, zəlzələnin episentri 840 min nəfərin yaşadığı Padanq şəhərindən 209 kilometr qərbdə, ocağı isə 10 kilometr dərinlikdə yerləşib.

Tələfat və ya dağıntı barədə məlumat verilməyib. Sunami təhlükəsi elan edilməyib.