İndoneziyada zəlzələ 80 mindən çox insanı evsiz qoyub

İndoneziyanın Şərqi Nusa Tenqara əyalətində baş verən zəlzələ nəticəsində 80 mindən çox insan evsiz qalıb, təxminən 29 min yaşayış evinə ziyan dəyib.

Operativ Media xəbər verir ki, bu barədə İndoneziyanın Fəlakətlərin İdarə Edilməsi üzrə Milli Agentliyi (BNPB) məlumat yayıb.

Agentliyin məlumatına görə, zəlzələ nəticəsində ölənlərin sayı 72 nəfərə çatıb.

Təbii fəlakətin bölgədə yaşayış evlərinə və infrastruktura ciddi ziyan vurduğu bildirilir.