Almaniyanın xarici işlər naziri gözlənilməz səfərlə Kiyevə gəlib

Almaniyanın xarici işlər naziri Yohan Vadeful Kiyevə elan edilməmiş səfərlə gəlib. 

Operativ Media xəbər verir ki, Almaniya Xarici İşlər Nazirliyinin məlumatına görə, gündəliyə Ukraynaya yardım və iki ölkə arasında təhlükəsizlik sahəsində əməkdaşlıq məsələləri daxil olacaq.

Nazir Kiyevə qatarla gəlib. Təhlükəsizlik səbəblərinə görə səfər açıqlanmayıb. Proqram da hazırda məlum deyil. Bu, Vadefulun Almaniya xarici işlər naziri kimi Ukraynaya dördüncü səfəridir.