Qara dənizdə Türkiyəyə məxsus ticarət gəmisinə hücum edilib

Rusiyanın Qara dənizdəki Novorossiysk limanı yaxınlığında Türkiyəyə məxsus ticarət gəmisinə hücum nəticəsində 1 dənizçi ölüb, 8 nəfər yaralanıb.

Operativ Media xəbər verir ki, bu barədə "Sinxua" məlumat yayıb.

Hadisə gecə saatlarında Novorossiysk limanının açıq dəniz hissəsində baş verib.

“Kalyoncu Denizcilik” şirkətinə məxsus “Ural” adlı gəminin hücuma məruz qaldığı bildirilib.

Məlumata görə, gəmi hadisədən sonra hərəkətini davam etdirib və Türkiyənin Samsun limanına doğru yollanıb.