Çin ABŞ-nin birtərəfli sanksiyalarına qarşı çıxıb

Pekin Vaşinqtonun tətbiq etdiyi qanunsuz məhdudiyyətləri qəbuledilməz hesab edir və yerli şirkətlərin hüquqlarını müdafiə etmək üçün qəti addımlar atacaq.

​Operativ Media xəbər verir ki, Çinin ABŞ-dakı səfirliyinin mətbuat katibi Liu Çan ölkəsinin beynəlxalq hüquq normalarına zidd olan birtərəfli sanksiyalara qarşı çıxdığını bildirib. Səfirlik rəsmisi bu açıqlamanı Çin vətəndaşları ilə yanaşı, hüquqi şəxslərin də İrana qarşı yönəlmiş amerikalıların məhdudlaşdırıcı siyahısına daxil edilməsi ilə əlaqədar verib.

​Xatırladaq ki, bazar ertəsi günü ABŞ hakimiyyəti İranla bağlı sanksiya paketi çərçivəsində 48 şirkəti, 24 fiziki şəxsi və 6 neft tankerini "qara siyahı"ya salıb. Qeyd olunan məhdudiyyətlər Azərbaycan, Yunanıstan, Hindistan, İran, Çin, Malayziya, Marşall adaları, Birləşmiş Ərəb Əmirlikləri, Sinqapur, Türkiyə, Ukrayna, Fransa və İsveçrə vətəndaşları ilə qurumlarını əhatə edib.