Fransada güclü fırtına nəticəsində 41 nəfər xəsarət alıb

Fransanın Aude bölgəsində güclü fırtına nəticəsində 41 nəfər xəsarət alıb, təxminən 300 evə ziyan dəyib.

Operativ Media xəbər verir ki, bu barədə Fransa mediası məlumat yayıb.

Ən ciddi dağıntıların qeydə alındığı Poma kəndində bir sıra evlərin dam örtükləri uçub, xəsarət alanlar arasında hamilə qadın da olub.

Küləyin sürəti saatda 117 kilometrə çatıb. Fırtına nəqliyyatda da problemlər yaradıb, bəzi yollar bağlanıb, uçuşlar təxirə salınıb və ya ləğv edilib.

Hazırda bölgədə 2800-ə yaxın ev elektrik enerjisiz qalıb.