Köçəryanla əlaqəli şirkətlər dövlətə 7,37 milyon dollar ziyan vurub

Ermənistanın keçmiş prezidenti Robert Köçəryanla əlaqəli şirkətlərin dövlətə təxminən 2,682 milyard dram (7,37 milyon dollar) ziyan vurduğu bildirilir.

Operativ Media xəbər verir ki, bu barədə Ermənistan mediası məlumat yayıb.

Ermənistan İstintaq Komitəsinin məlumatına görə, iri həcmli vergidən yayınma işi çərçivəsində avqustun 25-də 17 biznes və yaşayış ünvanında eyni vaxtda axtarışlar aparılıb.

Axtarışlar zamanı cinayət işi üçün əhəmiyyətli sənəd və əşyalar aşkarlanaraq götürülüb. Şirkətlərin fəaliyyət göstərdiyi ünvanlar möhürlənib, direktorlar isə həbs olunub.