"Volkswagen" rəhbər vəzifədə çalışan şəxslərin 25%-ni ixtisar edəcək

"Volkswagen"in rəhbəri Oliver Blume qənaət tədbirləri çərçivəsində rəhbər vəzifələrin 25%-nin ləğv ediləcəyini açıqlayıb.

Operativ Media xarici KİV-ə istinadən xəbər verir ki, ixtisarlar əsasən istehsalatdan kənar sahələri - inzibati aparat, mərkəzi xidmətlər, tədqiqat-inkişaf və satışı əhatə edəcək.

İxtisarların yarısı Almaniyada, yarısının isə xaricdəki filiallarda planlaşdırılır.

Qərarlar şirkət daxilində etirazla qarşılanıb və Volfsburqdakı baş zavodda keçirilən iclasda işçilər rəhbərliyi fitə basaraq narazılıqlarını nümayiş etdiriblər.