Robert Koçaryan barəsində həbs qətimkan tədbiri seçilməsi üçün məhkəməyə vəsatət verilib

Xüsusilə külli miqdarda çirkli pulların yuyulması, vəzifə səlahiyyətlərindən sui-istifadə və xüsusilə külli miqdarda rüşvət almaqda ittiham olunan Robert Koçaryan barəsində həbs qətimkan tədbirinin seçilməsi haqqında vəsatət Anti-Korrupsiya Məhkəməsinə təqdim olunub.

Operativ Media xəbər verir ki, bu barədə Anti-Korrupsiya Komitəsindən bildirilib.

Xatırladaq ki, dünən vəzifə səlahiyyətlərindən sui-istifadə, xüsusilə külli miqdarda rüşvət alma və xüsusilə külli miqdarda çirkli pulların yuyulması maddələri üzrə prokuror Ermənistanın ikinci prezidentinə qarşı ictimai cinayət təqibi başladaraq ittiham irəli sürüb.