Türkiyədə Milli Süni İntellekt Şurası yaradılır

Türkiyədə süni intellekt sahəsində milli prioritetlərin müəyyənləşdirilməsi və investisiyaların yönləndirilməsi məqsədilə “Milli Süni İntellekt Şurası” yaradılır.

Operativ Media xəbər verir ki, bu barədə "TRT Haber" məlumat yayıb.

Milli Süni İntellekt Şurası 2026-2030-cu illəri əhatə edən “Türkiyə Süni İntellekt Fəaliyyət Planı” çərçivəsində fəaliyyət göstərəcək. Qurum Prezident Rəcəb Tayyib Ərdoğanın sədrliyi ilə işləyəcək.

Şura süni intellekt sahəsində milli prioritetləri və illik icra planlarını təsdiqləyəcək, dövlət qurumları arasında koordinasiyanı təmin edəcək və iri dövlət və ekosistem investisiyalarının yönləndirilməsində iştirak edəcək.