ABŞ Yaxın Şərqdə yerləşdirilən qoşunlarının sayını açıqlayıb

50 min amerikalı hərbi qulluqçu Yaxın Şərq regionunda yerləşdirilib.

Operativ Media xəbər verir ki, bunu ABŞ Silahlı Qüvvələrinin Mərkəzi Komandanlığının rəhbəri admiral Bred Kuper bildirib.

"Yaxın Şərqdə (red: ABŞ-nin) iki missiyası üzrə əməliyyat hesabatını təqdim edirəm. Regiondakı 50 min hərbçimizin çoxu İranın dəniz blokadasının saxlanılması və Hörmüz boğazı vasitəsilə kommersiya daşımalarının dəstəklənməsi istiqamətində müstəsna işlər görür", — deyə o bildirib. 

Kuperin videomüraciəti Mərkəzi Komandanlığın "X" sosial şəbəkəsindəki səhifəsində yerləşdirilib.

Kuper əlavə edib ki, iyulun ortalarında bərpa olunduğu vaxtdan bəri İranın dəniz blokadasını "minlərlə amerikalı hərbi qulluqçu, 20-dən çox hərbi gəmi və yüzlərlə hava gəmisi" təmin edir.