Cənubi Koreyada boya materialları fabrikində yanğın baş verib

Cənubi Koreyanın Çonan şəhərində boya materialları istehsal edən fabrikdə baş verən yanğın nəticəsində üç nəfər həyatını itirib.

Operativ Media xəbər verir ki, bu barədə "Yonhap" agentliyi məlumat yayıb.

Hadisə zamanı zəhərli tüstü yayılıb və şəhər rəhbərliyi sakinlərə təhlükəsizlik tədbirlərinə riayət etmələri barədə xəbərdarlıq edib.

Sürücülərə isə yanğın baş verən ərazidən uzaq durmaları və alternativ marşrutlardan istifadə etmələri tövsiyə olunub.