Avstriyada muzeydən 4,3 milyon dollarlıq brilyant boyunbağı oğurlanıb

Misir kraliçası Nazlı Səbriyə məxsus olan 673 brilyantdan ibarət boyunbağı Vyanadakı muzeydən oğurlanıb.

Operativ Media xəbər verir ki, bu barədə yerli polis məlumat yayıb.

Bildirilib ki, hadisə Tətbiqi Sənətlər Muzeyində baş verib.  Məlumata görə, oğurlanmış boyunbağının içindəki brilyantların çəkisi 200 karatdan çoxdur.

Polisin məlumatına görə, iki naməlum şəxs şüşə vitrini sındırıb, eksponatı oğurlayıb və qaçıb.

Şübhəlilər axtarılır və araşdırma başlanıb.