NATO kəşfiyyat təyyarəsi Qara dəniz üzərində 8 saat yarım uçuş edib

NATO-ya məxsus kəşfiyyat təyyarəsi Qara dənizin cənub hissəsindəki neytral sular üzərində 8 saat yarım uçuş həyata keçirib.

Operativ Media xəbər verir ki, “Bombardier ARTEMIS II” kəşfiyyat təyyarəsi Rumıniyanın Konstansa şəhərindəki bazadan havaya qalxıb.

Məlumata görə, təyyarə 8 saat yarım ərzində Qara dəniz üzərində qərbdən şərqə və əks istiqamətdə dövrə vurub.

Bildirilib ki, təyyarə təxminən 12,5 kilometr hündürlükdə uçub və mülki aviasiya üçün nəzərdə tutulan hava dəhlizlərindən istifadə etməyib.