İtaliyada qasırğa nəticəsində 43 nəfər xəsarət alıb

İtaliyanın şimalındakı Kremona şəhərində qasırğa nəticəsində 43 nəfər xəsarət alıb.

Operativ Media xəbər verir ki, bu barədə "ANSA" xəbər agentliyi məlumat yayıb.

Bildirilib ki, güclü dolu 10 min avtomobilə zərər vurub və yüzlərlə ağacı kökündən qoparıb.

Həmçinin, şəhərin tarixi irs yerləri də ziyan görüb: 10 kilsəyə ziyan dəyib. Şəhərin ən qədim sarayında yerləşən bələdiyyə binasının qülləsinin bir hissəsi uçub.

Şəhər administrasiyası təbii fəlakətin nəticələrinin aradan qaldırılması üçün təcili tədbirləri müəyyən etmək məqsədilə iclas keçirib.