“Mançester Siti” Enso Fernandes üçün "Çelsi"yə 120 milyon funt təklif etdi

​"Mançester Siti" klubu Londonun "Çelsi" komandasının yarımmüdafiəçisi Enso Fernandesin transferi üçün 120 milyon funt-sterlinqdən artıq rəsmi təklif göndərib.

​Operativ Media xəbər verir ki, bu barədə insayder Fabritsio Romano məlumat yayıb.

Mənbə bildirib ki, tərəflər arasında danışıqlar transfer pəncərəsinin son günündə davam etdirilir və yekun qərarın qəbul olunması üçün həlledici saatlar yaşanır.

​Mövcud duruma əsasən, son sözü London təmsilçisi deyəcək və razılaşmanın baş tutub-tutmayacağı yaxın vaxtlarda dəqiqləşəcək.