"Trabzonspor" yeni hücumçu ilə gücləndi

Operativ Media xəbər verir ki, Türkiyə təmsilçisi bu barədə rəsmi saytı vasitəsilə məlumat yayıb.

22 yaşlı afrikalı futbolçu ilə 4 illik müqavilə imzalanıb. Sazişdə müqavilənin daha bir mövsüm uzadılması ilə bağlı seçim bəndi də yer alıb.

NTV-nin məlumatına görə, transferin məbləği bonuslar nəzərə alınmadan 17 milyon avro təşkil edib. “Trabzonspor” bu vəsaiti 5 il ərzində 8 ödənişlə “Midtyulland”a ödəyəcək.

Danimarka klubu, həmçinin futbolçunun növbəti satışından əldə olunacaq məbləğin 15 faizini alacaq.

Frankulinonun illik maaşı 2 milyon 125 min avro olacaq.

O, bu mövsüm bütün turnirlərdə 10 oyunda meydana çıxıb, 3 qol vurub və 2 məhsuldar ötürmə edib.