"ChatGPT"-nin işində fasilələr yaranıb

Bir sıra ölkələrdə istifadəçilər OpenAI şirkətinin hazırladığı ChatGPT çat-botunun fəaliyyətində problemlərin yarandığını bildiriblər.

Operativ Media xəbər verir ki, bu barədə “Downdetector” xidməti məlumat yayıb.

Bildirilib ki, ABŞ-də təxminən 35 min istifadəçi nasazlıq barədə məlumat verib.

Şikayət edənlərin 80 faizi saytın fəaliyyətində fasilələrlə üzləşdiyini, 7 faizi isə mobil tətbiqdə problemlərin olduğunu qeyd edib.

Böyük Britaniyada təxminən 12 min, Fransada isə 5 min istifadəçi problemlə bağlı müraciət edib.