AIDA və TİKA arasında Anlaşma Memorandumu imzalanıb

Azərbaycanın Beynəlxalq İnkişafa Yardım Agentliyi (AIDA) və Türk Əməkdaşlıq və Koordinasiya Agentliyi (TİKA) Anlaşma Memorandumu imzalayıb.

Operativ Media xəbər verir ki, memorandum Bakıda AIDA-nın yaranmasının 15 illiyinə həsr olunmuş "Humanitar yardım və inkişaf naminə əməkdaşlıq vasitəsilə qlobal həmrəyliyin gücləndirilməsinə dair Konfrans" çərçivəsində imzalanıb.

Sənədi Azərbaycanın xarici işlər nazirinin müavini Yalçın Rəfiyev və TİKA-nın rəhbəri Abdullah Eren imzalayıblar.

Sənəd iki qurum arasında inkişaf əməkdaşlığının genişləndirilməsini, birgə layihələrin həyata keçirilməsini, təcrübə və bilik mübadiləsinin gücləndirilməsini nəzərdə tutur.