Tramp: İranla müharibə seçkilərdən sonra bitəcək

ABŞ Prezidenti Donald Tramp İranla müharibənin noyabrda Konqresə keçiriləcək aralıq seçkilərdən dərhal sonra başa çatacağını düşünür.

Operativ Media xəbər verir ki, Tramp bu barədə “Fox News” telekanalına müsahibəsində danışıb.

ABŞ lideri münaqişənin seçkilərdən əvvəl də sona çata biləcəyini istisna etməyib. Bununla belə, onun sözlərinə görə, daha çox ehtimal olunan variant müharibənin seçkilərdən dərhal sonra başa çatmasıdır.

ABŞ-də Konqresə aralıq seçkilər noyabrın 3-də keçiriləcək. Seçkilər zamanı Senatın 100 üzvündən 33-ü, eləcə də Nümayəndələr Palatasının bütün 435 üzvü yenidən seçiləcək.