Sinqapur gündə 15 dəqiqə kitab oxuyanlara pul ödəyəcək

Sinqapur sosial media asılılığını azaltmaq üçün qeyri-adi bir yol tapıb.

Operativ Media xəbər verir ki, bu barədə "The Guardian" məlumat yayıb.

Məlumata görə, gündə ən azı 15 dəqiqə kitab oxuyan vətəndaşlar maddi mükafat alacaqlar. 

Sentyabr ayında başlayan hökumət proqramı əhalidə müntəzəm oxumaq vərdişini aşılamağa yönəlib. Bu addım üçün 20 virtual sikkə verilir. 1000 sikkə toplandıqdan sonra onları 1 Sinqapur dollarına dəyişdirmək olar. Gündə yalnız bir oxu seansı hesablanır.

Nəşr qeyd edib ki, nəticələr hökumətin veb saytında qeydə alınır.