“Snapchat” yeniyetmələrin platformada keçirdiyi vaxta məhdudiyyət tətbiq edə bilər

“Snap” şirkətinin baş direktoru Evan Şpigel “Snapchat”da yeniyetmələrin keçirdiyi vaxta məhdudiyyət qoyulmasını nəzərdən keçirdiklərini bildirib.

Operativ Media xəbər verir ki, bu barədə “Snap” şirkətinin baş direktoru Evan Şpigel məlumat verib.

Evan Şpigel belə məhdudiyyətlərin sosial media sənayesi üçün mühüm addım ola biləcəyini deyib.

Şirkət rəhbəri konkret tarix açıqlamasa da, məsələnin hazırda müzakirə olunduğunu qeyd edib. “Snapchat”ın “Ailə Mərkəzi” funksiyası valideynlərə yeniyetmələrin platformadan istifadəsinə müəyyən nəzarət imkanları təqdim edir.