Yəməndə qızılcadan 77 uşaq ölüb

2023-cü ilin əvvəlindən Yəməndə 9 mindən çox insan qızılcaya yoluxub, 77 uşaq bu xəstəlikdən dünyasını dəyişib.

"Operativ Media" xəbər verir ki, BMT-nin Yəməndəki Humanitar Məsələlər üzrə Koordinasiya Ofisi (OCHA) verdiyi yazılı açıqlamada, ölkədə qızılca epidemiyasının yayılması ilə bağlı rəqəmlərin həyəcan verici olduğunu qeyd edib.

Bildirilib ki, bu ilin əvvəlindən Yəməndə 9 min 418 şəxsdə qızılca aşkar edilib.

Məlumatda qeyd edilib ki, 2023-cü ilin əvvəlindən bu yana 77 uşaq qızılcadan dünyasını dəyişib 

Açıqlamada xatırladılıb ki, 2022-ci ildə Yəməndə təxminən 22 min qızılca hadisəsi aşkarlanıb, 160 nəfər ölüb.