Astanada 42 minə yaxın şəxs yaşayış yeri üzrə qeydiyyata düşmədiyi üçün cərimələnib

Astana şəhərində ilin əvvəlindən yaşayış yeri üzrə qeydiyyat qaydalarını pozan 42 minə yaxın şəxs məsuliyyətə cəlb edilib.

Operativ Media Sputnik Qazaxıstan-a istinadən xəbər verir ki, Qazaxıstan Baş Prokurorluğu paytaxt sakinlərini qeydiyyatsız şəxslərin yaşayışına yol verməməyə çağırıb.

Xaricdən Qazaxıstana gələn şəxslər isə 10 təqvim günü ərzində qeydiyyatdan keçməlidirlər.

Qeyd edilib ki, qaydaların pozulmasına görə 20 aylıq hesablama göstəricisinədək, yəni 86 500 təngə (təxminən 190 dollar) məbləğində cərimə nəzərdə tutulur.