Almaniya Hərbi Hava Qüvvələri ilk F-35 təyyarələrini əldə edib

Almaniyanın müdafiə naziri Boris Pistorius ABŞ-nin Texas ştatında Almaniya Hərbi Hava Qüvvələri üçün ilk F-35A qırıcı təyyarəsini qəbul edib.

Operativ Media xəbər verir ki, bu barədə "Deutsche Welle" məlumat yayıb.

Təyyarənin təhvil-təslim mərasimi istehsalçısı Lockheed Martin şirkətinin Fort-Uortdakı qərargahında baş tutub.

Almaniya Hərbi Hava Qüvvələri üçün nəzərdə tutulmuş ilk səkkiz F-35 təyyarəsi hələlik ABŞ-də qalacaq. Onlardan alman pilot və texniklərinin təlimi üçün istifadə olunacaq.