Suriyada silah anbarında partlayış baş verib

Suriyanın Deyr əz-Zor vilayətinin qərbində, Əyyəş qəsəbəsi yaxınlığında yerləşən hərbi obyektlərdən birində silah anbarında partlayış baş verib.

Operativ Media xəbər verir ki, bu barədə Suriya Müdafiə Nazirliyi məlumat yayıb.

Qeyd edilib ki, hadisə nəticəsində 9 nəfər xəsarət alıb. Axtarış-xilasetmə işləri zamanı 6 nəfərin meyiti aşkar edilib, bir neçə nəfərin taleyi isə hələlik məlum deyil.