İran və Oman razılığa gəlib

İran və Oman Hörmüz boğazında təhlükəsiz hərəkət marşrutunun müəyyən edilməsi ilə bağlı razılığa gəlib.

Operativ Media xəbər verir ki, bunu İran Xarici İşlər Nazirliyinin (XİN) sözçüsü İsmayıl Bəqai deyib.

O, ABŞ ilə müəyyən danışıqlara baxmayaraq, müharibənin davam etdiyini diqqətə çatdırıb.

"Şərtlərimiz danışıqların əsası idi və Amerika onları pozub, bu şəraitdə müharibənin başa çatmasından danışmaq olmaz.

Biz Amerika barədə danışırıq. Ötən illər ərzində həmişə və daim sözünə əməl etməyən bir ölkə. Özünü günahkar bilmək düşmənin koqnitiv müharibəsinin əlamətlərindən biridir. Bəzi şeylər o qədər aydındır ki, deməyə ehtiyac yoxdur", - İran XİN-in sözçüsü bilirib.